مـ خ ـنوق: المصريين ينزلوا ... !

اخوكم الغلبان ده بقة قديم نت وتبعا للاقدمية دي عرفت ناس كتير جدا في جميع انحاء العالم ولان الكرم عادة اصيلة من عادات المصريين دعيت بعض اصدقائي الاجانب (مسلمين) لزيارة مصر ولان الحال على القد برضوا كنت عازمهم على حساب واحد صاحبي من علية القوم :-) ههههههه صاحبي ده بقة اللهم لا قر ولا حسد الفلوس دي عنده من غير حساب واهله بقة الصغير فيهم لواء شرطة ده غير انه بيحمل جنسية العم سام كمان لانه مولود هناك المهم نرجع لاصدقائي الاجانب بعد ما استقبلناهم انا وصديقي ونزلناهم في فندق محترم محجوز مسبقا طبعا وسبناهم يرتاحوا على وعد اننا نقابلهم بليل نفرجهم على مصر وحضرنا طبعا عربية فاخمة بمعرفة صديقي اياه وطبعا مفيش مكان اجمل من المقطم بليل نيتدي بية وفي طريقنا للمقطم بليل انا وصديقي والضيوف الاجانب الثلاثة وعلى غير ميعاد قابلنا لجنة ولجنة يعني حملة وحملة يعني كمين وكمين يعني .......! مش عارف المهم ان انتوا فهمتوا وبكل احترام وابتسامة اجمل من ابتسامة الموناليزا بص الامين المحترم جوه العربية وبسرعة نده للسيد الضابط المحترم برضوا وقالوا دول اجانب يا باشا ... اجاااااااااانب ؟؟؟؟؟ ده طبعا كان اسلوب التعجب اللي استخدمه الضابط وبقدرة قادر اتقلب الوضع بدل ما كنا جايبنهم يتفرجوا على مصر كانت مصر كلها بتتفرج علينا واحنا جوه العربية زي ما يكون قرود محبوسين في قفص في جنينة الحيوانات وطبعا لان الوضع كان يكسف جدا عملت فيها ابو الشهامة وقولتلوا تحب سيادتك تشوف الرخص يا باشا ولحقني صديقي وقال هو فية اية ؟؟ وبنفس الدهشة لقيت الضابط بيقول (( اية دة انتوا مصريين )) رديت قولتلوا ايوة يا باشا وانا طبعا مفكر ان دي ميزة اننا مصريين لقيتوا بيقول المصريين ينزلوا ...!! وطبعا نزلنا انا وصديقي اللي ثار جدا لانه من علية القوم ازاي ظابط يقوله انزل وبعد معاناه علشان اقنع صديقي انه يلم الموضوع علشان الناس اللي معانا وافق ووقفنا في سلام ننتظر اوامر الباشا وكان اول امر طبعا بطايقكوا ولاني من عامة الشعب وكنت عارف ان دي اول حاجة هتسأل عليها كنت محضرها في ايدي شافها الباشا وقاله بطاقتك وهنا وقعت على الظابط صاعقة من السماء بسبور امريكاني فية صورة صديقي العزيز وبعد ما كانت فيه حالت تأهب قصوى لافراد اللجنة اصبح في حالة رعب من الساحر الامريكي وطبعا انا اخدت بطاقتي مع اعتذار رقيق اللهجة من الباشا وابتسامة عزبه لصديقي المصري الامريكاني تصحبها كلمات الوداع الرقيقة.

انت ياعم بتوجع دماغنا بالحكاية دي لية ؟؟؟ <<<<< ده انتوا اللي بتقولوا طبعا

وارد واقول لكم

الحدق يفهم بقة ....... <<<< لسة مخدش حبوب جراءة :-)